" تم" هو تجربة مصرفية سريعة، أول بنك رقمي كويتي متوافق مع أحكام الشريعة "تم تصميمه ليتماشى مع أسلوب حياتك وراح تستمتع بالمكافآت والخصومات المميزة والمفاجآت العجيبة. يعني على كثر ما تستخدم البطاقة راح تحصل الأشياء اللي تحبها

الكل يقدر. كل اللي تحتاجه هو:

• يكون عمرك 15 سنة وفوق
• بطاقتك المدنية وتكون صالحة وصادرة للمواطنين الكويتيين فقط
• تلفونك ... وبس

ولا ورقة! كل اللي تحتاجه بطاقتك المدنية أو تطبيق "هويتي" على تلفونك، وإنك تجاوب على جم سؤال، وتم.. صار عندك حساب عندنا!

اي نعم تقدر! الكل يقدر يفتح حساب "تم" حتى لو كنت عميل في بيت التمويل الكويتي.

"تم" من إنشاء بيت التمويل الكويتي، ويهدف إلى توفير خدمة مصرفية اليديدة تلبي كل احتياجاتك. صُمم "تم" من قِبل فريق في بيت التمويل الكويتي يتمتع بخبرة ممتازة في تصميم المنتجات المصرفية الآمنة. وبيت التمويل الكويتي غني عن التعريف فهو من المؤسسات المالية الإسلامية الرائدة والمبتكرة والموثوقة حول العالم.

بس يكون عندك تلفون وبدقيقة يكون عندك حساب "تم". وراح يتم إصدار بطاقة افتراضية وتقدر تستخدمها مباشرةً. ما تحتاج ولا ورقة ولا إنك تزور فرع. حمّل تطبيق "تم" وانضم لنا!

عالم من المكافآت والمزايا وماكو مثلها !

مع "تم"، راح يتوفّر لك:

• حساب توفير رقمي
• بطاقة افتراضية لكل معاملاتك
• أداةلتتبع مصروفاتك
• إضافة أصدقائك لإرسال واستلام المبالغ بسرعة
• تحويل المبالغ من وإلى حسابك محلياً
• مركز خدمة العملاء على مدار الساعة، طوال أيام الأسبوع
• مكافآت مع معاملاتك
• وغيرها من المزايا اليديدة اللي تتماشى مع أسلوب حياتك وين ما كنت في العالم

لأنه بنك المستقبل. غيّرنا مفهوم البنك التقليدي عشان نوفّر لك تجربة يديدة وفريدة

"تم" يوفّر لك السهولة في التعامل، والأمان، والمزايا الممتعة لك. صمّمنا "تم" عشان يخليك تصرف كثر ما تبي على الأشياء اللي تحبها، وتربح أكثر بعد

ومع كل معاملة، "تم" يكافئك، بأي وقت ووين ما كنت.

تقدر تستخدم "تم" بكل مكان داخل و خارج الكويت و بأي وقت في المحلات و الأونلاين.

ولا فلس! كل شيء مجاني، وبالعكس، انت اللي راح تستفيد من المكافآت والمزايا والعروض على المحلات اللي تحبها . ولما تشارك "تم" مع أصدقائك، راح تربح مكافآت حصرية بعد.

صفر! مافي حد أدنى لرصيد فتح الحساب.

حالياً "تم" يعتبر تجربة رقمية بكل معانيها، ولكن خلك معانا و راح يتم التواصل معاك من خلال إشعارات التطبيق بخصوص طلب البطاقة الفعلية.

بكل سهولة و من خلال تطبيق "تم" راح يتم تجهيز نموذج تحويل مكافأتك الطلابية بخطوات بسيطة و تقدر تشاركه مع جامعتك بالطريقة اللي تناسبك.

البطاقة الافتراضية حالها حال البطاقة الفعلية ولكن تُستخدم من خلال تلفونك. و تقدر تستخدمها عشان تتسوق أونلاين على طول و في المحلات اللي تحبها. بكل سهولة تقدر تضيف خدمة Apple pay و Samsung Pay وأكثر على بطاقتك الإفتراضية

لا تحاتي ، تقدر من خلال التطبيق تقدم طلب "بطاقة مفقودة"، وعلى طول راح يتم إصدار بطاقة افتراضية بديلة.

تقدر تسحب كاش من أجهزة الصراف الآلي الخاصة بـ"بيتك".

تقدر تودع بحسابك من خلال إنشاء رابط دفع أو باستخدام خدمة كي نت

تقدر تحوّل المبلغ بكل سهولة من حسابك في "تم" إلى بطاقة الدفع المسبق.

برنامج مكافآت "تم"هو برنامج عروض و من خلاله تقدر تحصّل على نقاط و تستفيد منهم بالأشياء اللي تحبها و تناسب حياتك.

راح تتسجل تلقائي في برنامج مكافآت "تم" أول ما تخلص التسجيل و فتح الحساب.

الفئات عبارة عن منافع حصرية وامتيازات على حسب تصنيفك لأي فئة في برنامج مكافآت "تم" . و يتم تحديد الفئة على حسب رصيد النقاط المتوفر عندك.

اكيد! اول ما تحوّل المكافأة الطلابية على "تم" راح تحصّل على 10,000 نقطة مجانية، و مقابل كل دينار تصرفه راح تحصل على 20 نقطة و أنت تستخدم بطاقة الدفع المسبق.

تقدر تحصّل على نقاط من خلال استخدامك بطاقة "تم" مسبقة الدفع. و تقدر تحصّل على نقاط مجانية من خلال تسجيلك في "تم" لأول مرة أو تحويل المكافأة الطلابية أو تفعيل بطاقة الدفع المسبق أو ترشيحك لأصدقائك أو مشاركة المحتوى المتوفر في التطبيق.

تقدر تستبدل نقاط "تم" من خلال الكوبونات الإلكترونية المتوفرة في التطبيق و تستخدمها مع المحلات المشاركة.

تقدر تستخدم الكوبونات الإلكترونية في المحلات التجارية المشاركة بس توريهم رمز الكوبون الموجود في برنامج مكافآت "تم". وتقدر تستخدم الكوبونات كرصيد في محفظتك أو خصومات على العروض المتوفرة في محلات الأونلاين

بكل سهوله تقدر تتواصل معانا من خلال خدمة الواتس آب أو تتصل على خدمة "تم" الهاتفية علشان يعالجون المشكلة.

مافي حد أقصى للمعاملات اليومية أو الدفع ولكن مجموعهم لازم ما يتجاوز 3,000 د.ك كل شهر.

الحد الأقصى للتحويل الإلكتروني هو 2000 د.ك شهري.

ولا شي, الحساب راح يتم شغال و تقدر تحوّل المبالغ إلى حساب "تم" الخاص فيك في الشهر اللي بعده.